Einki er sum skúmbomm :)

Vit eiga ein lítlan fittan kúll í húsinum sum dámar seeera væl skúmbomm. So eg valdi at gera ein roynd. Uppskriftina havi eg funnið á netinum.

 

 

Uppskrift:

 

400g melis

2 dl vatn

200g flormelis

20 husblas

vanilje ella annan smakk

frugtfarvu

 

 

Legg husblas á blot í køldum vatni

Set grýtu útá við vatn og melis, lat koma uppá kók, koyr síðan vanilju og smakk í.

Lat kóka í 20 min. ella til tað er 100 gradir heitt.

Tak husblas úr vatnbaðnum og rør tey í grýtuna.

Tak grýtuna av og lat standa til tað er komið niður á 100 gradir.

Koyr helvtina av flormelisinum á botnin í eini skuffu, eg brúkti eina lítla skuffu sum eg brúka til skuffukøku.

 Koyra massan úr grýtuni í ein bolla tilset tann lit tú ynskir og píska so í ca. 15 min. Líka til tað er heilt stívt og als ikki flytir seg tá tú tekur pískaran upp úr bollanum.

Koyr tað so í skuffuna omaná flormelisi. Lættast er at koyra tað fast út móti síðunum fyrst og so royna at slætta tað út sum fragast. Tað er nemliga mega klebrut.

 

 

 

 

 

Spælt mær eitt sindur við marengs :)

Ein kann gera nógv ymiskt burtur úr marengs. Stuttligt er at spæla sær við litir og ymiskar mátar at formar tað uppá :)

Her havi eg gjørt hjørtu og hundalond í míni yndlings liti ljósareyðum. Og so passar tað so væl saman við Green Gate :)

 

  

 

 

Heimagjørt crunchie

Í síðstu viku gjørdi eg crunchie. Tað smakkar júst sum tað ordiliga. Eg visti als ikki, at tað var so lætt at gera 😊 Tó skal sigast, at man skal ansa eftir, at tað ikki fær ov nógva tíð í grýtuni, tí so kann tað lættliga brennast.

 

Uppskrift:

200g melis

5 spsk. ljósan sirop

1½ tsk natron

Sjokulátu

 

Set eina bakiplátu við bakipappíri klára.

 

Koyr melis og sirop í grýtu og kóka á miðal hita (uml. 5-6). Minst til at røra í grýtuni. Kóka til tað er beint niðanfyri 150 gradir heitt (uml. 15-20min.). Brúka eitt termometur at máta við.

Tak nú grýtuna av og rør natron í. Skunda tær síðan at stoyta tað á bakipappírið. Koppa plátuni til síðurnar fyri at javna tað út.

Lat tað kølna í uml. 1 tíma. So er klárt at skera ella bróta í bitar og koyra sjokulátu á.

 

Mmmmmm :)

 

 

 

 

 

 

 

 

 



Hjarta muffins við nuggelinekremi

Eg elski at gera muffins :) Tí tað eru sooo nógvir møguleikar at spæla sær við. Her havi eg valt at gjørt muffins við hjørtum í við lekkrum nuggelinekremi :)

Allarfyrst havi eg bakað ein púra vanliga pink skuffukøku, sum skal brúkast til hjørtuni.


Muffins deiggj:

1 dl Mjólk
1 dl Olju
2 dl Jogurt (líka mikið hvat slag)
2 Egg
200 g Mjøl
250 g Melis
1 tsk Natron
2 tsk Vaniljusukur
100 g Sjokulátu

Koyr alt í ein bolla uttan sjokulátuna og rør. Tær nýtist ikki at brúka pískara :)

Eg havi brúkt ein hjartaútskerara at gera hjørtini við.

Síðani havi eg sett eitt hjarta í hvønn muffinsform og fylt muffinsdeiggj í.

Í helvtina valdi eg at koyra ta hakkaðu sjokulátuna (50g). So helvtin hevur hjørtu í og hin helvtin sjokulátu.


Sooo til tað alvorliga lekkra kremið......

Nuggelinekrem:

200 g Smør
200 g Flormelis
200 g Nuggeline
4 spsk Róma (píska)
2 tsk Vaniljusukur

Fyrst pískar tú smøri eina løtu, síðani koyrir tú flormelis og vaniljusukur í og pískar ein løtu afturat. Síðan verður nuggeline píska í og til allar síðst tann pískaða róman. Um tú vilt hava kremið meira luftugt, koyr so meira róma í.
So er tað alvorliga lekkra og luftiga kremið klárt at koyra á tínar muffins :)



Vælgagnist :)

 

 

 

 

 

 



 

 

 

 

Jólini 2013

Vit hava havt eini sera góð og hugnalig jól saman við familjuni. Við nógvum góðum mati og nógvum góðum gávum :)

Eg havi ætlað at lagt nakrar myndir út av jólunum heima hjá okkum allan mánaðan, men tað hevur verið so nógv á skránni, sum tað jú altíð er á jólum. So eg havi ikki rættliga havt tíð, men nú koma so nakrar jólamyndir her.........

 

Gleðilig Jól & gott nýggjár til tykkum :)